صقور الأرض : عبقرية جوكيه ليانغ – برهان

من الرسوم لي أثرو فيا بزاف في الصغر هو مسلسل صقور الأرض لي كيعاود على حرب المملكة الثلاثة في الصين لي كانت ما بين سنة (220–280) 

ومن أكثر الشخصيات لي كانت كتعجبني هو شخصية “برهان” المخطط العبقري لي غادي يعاون عبد الرحمن باش يغلب تسو تسو
من بعد غادي نتكشف أن هاد الشخصيات حقيقية بحال هاد برهان لي هو في الحقيقة الجنرال Zhuge Liang ، من أشهر القادة العسكرين والاستراتيجين في هداك العصر والمعروف أنه كان كيدير لهم ل MindFuck في الحروب ديالو وأذكى بزاف من دكشي لي وراوه في الروسوم
بحال واحد النهار كان عطا الأمر ديالو للجيش باش يتحرك ، وهو بقى مع 100 جندي في واحد المدينة معزولة ، شوية غادي يتفاجأ بجيش الجنرال سيما يي التابع لي تسو تسو ولي كان غلبو Zhuge Liang شحال من مرة كيقرب لهم وغادي يهجم على المدينة ب 150 ألف جندي.
Zhuge Liang غادي يعطي الأمر لهادوك 100 جندي لي معاه باش يحلو بوابات المدينة وباش يتخبعو ، وهو طلع فوق السور المقابل لجيش العدو وبدا كيعزف على العود بكل هدوء .

الجنرال سيما يي فاش غادي يشوف هذاك المنظر وحيث مولف بالقوالب ديال Zhuge Liang ، خاف تكون شي تقوليبة جديدة وهو يعطي الأمر للجيش ديالو باش يتراجع .
وبذلك Zhuge Liang دار أكبر bluff في تاريخ البشرية